Ráðstefnur Archives - Þjónandi forysta

Hugmyndir og tillögur þátttakenda á ráðstefnunni á Bifröst 25. september 2015

October 4, 2015 by Sigrún

Ráðstefnan á Bifröst um þjónandi forystu og brautryðjendur þann 25. september s.l. gekk mjög vel. Alls voru um 180 þátttakendur víða að á ráðstefnunni og nutu fyrirlestranna sem voru fluttir og samstalsins í hópum sem fór fram í hádegishléi.

Margar fróðlegar og áhugaverðar pælingar, hugmyndir og tillögur komu fram þegar rætt var um spurningarnar tvær sem varpað var fram til skoðunar:

Er tími frekjuhundsins liðinn?
Er auðmýkt gagnleg fyrir brautryðjendur?

Hóparnir voru alls 18 og í hverjum hóp voru tveir hópstjórar sem héldu utan um samtalið og tóku saman helstu atriðin sem fram komu í samtalinu. Hópstjórunum eru færðar bestu þakkir fyrir þeirra framlag og fyrir samantekt á því helsta sem fram kom í orðum þáttttakenda.

Samtal er grunnstef í þjónandi forystu og Robert K. Greenleaf, upphafsmaður þjónandi forystu, lagði áherslu á að birtingarmynd þjónandi forystu væri uppbyggilegt samtal og að innleiðing þjónandi forystu færi fram í gegnum samtal. Sjá til dæmis hans The Servant as Leader frá árinu 1970.

Allir punktarnir frá hópunum eru birtir hér á pdf skjali. Meðal þess sem fram kemur í samantektum hópanna er eftirfarandi:

Já, tími frekjuhundsins er liðinn meðal stjórnenda en hann lifir í samfélaginu.

En samfélagið er betur upplýst, þess vegna lýðst þetta ekki lengur.

Frekjuhundur er drottnandi persóna, sjálfhverfur, hefur ekki heildarsýn, veður yfir aðra, vantar virðingu fyrir öðrum.

Óbilandi trú á eigin ágæti – berst fyrir sínu.

Þarf að breyta frekjuhundapólítik.

Það eykur framleiðni að stefna að sama markmiði en það gerir frekjuhundurinn ekki.

Auðmýkt er nauðsynlegur hluti af nálgun brautryðjanda.

Þegar hann þarf að fá aðra með sér þá er auðmýkt mikilvægur eiginleiki.

Kvekararnir segja – hreykið ykkur ekki af verkum ykkar.

Dæmi sem nýlega hafa verið á sjónarsviðinu:

Auðmýkt landsliðsþjálfarans skein í gegn. Hann er dæmi um að menn geta breyst og vaxi því hann þurfti sjálfur að umbreyta sér og láta af hroka.

Allir punktarnir frá samtalshópunum á ráðstefnunni á Bifröst 2015 eru birtir hér á pdf skjali.

Ráðstefna um þjónandi forystu á Bifröst 25. september 2015

Ráðstefna um þjónandi forystu í júní 2017

September 20, 2015 by Sigrún

Þekkingarsetur um þjónandi forystu hefur skipulagt og haldið ráðstefnur reglulega hér á landi frá því í júní 2008, annað hvert ár eða árlega. Á hverri ráðstefnu er tekið fyrir ein ákveðin hlið þjónandi forystu og í ár á ráðstefnunni á Bifröst 25. september er efnið þjónandi forysta og brautryðjendur. Næsta ráðstefna er síðan ráðgerð árið 2017, nánar tiltekið í júní það ár og verður efni hennar og áherslur kynntar þegar nær dregur.

Undirbúningur að stofnun Þekkingarseturs um þjónandi forystu hófst árið 2006 og fyrsti opinberi viðburðurinn í nafni þjónandi forystu hér á landi var ráðstefna sem haldin var í júní 2008. Ráðstefnan var fjölsótt og þangað komu einstaklingar víða að úr samfélaginu og hlýddi á orð sérfræðinga lýsa hugmyndum sínum og reynslu af þjónandi forystu. Meðal fyrirlesara voru Kent M Keith sem þá var í forsvari fyrir Greenleaf Center for Servant Leadership í Bandaríkjunum, James Autry sem er einn af þekktari rithöfundum á svið þjónandi forystu og fulltrúar frá Schneidar Corporation sem er fyrirtæki á sviði verkfræði og hönnunar og hefur nýtt þjónandi forystu í yfir 25 ár. Á ráðstefnunni árið 2008 var samtal þátttakenda mikilvægur liður á dagskránni og voru þátttakendur sérstaklega ánægðir með að fá tækifæri til að ræða saman í hópum um efni ráðstefnunnar og eigin pælingar og viðhorf til efnisins.

Í framhaldi fyrstu ráðstefnunnar árið 2008 var hafist handa við að móta formlegt samstarf við Greenleafmiðstöðina í Bandaríkjunum (www.greenleaf.org) og var samningur um samstarf formlega undirritaður á annarri ráðstefnunni hérlendis snemma árs 2010. Síðan hafa reglulega verið haldnar ráðstefnur með svipuðu formi og fyrsta ráðstefnan en mismunandi hliðar þjónandi forystu verið teknar til skoðunar. Erlendir sérfræðingar hafa sótt okkur heim og gefið innsýn í eigin reynslu og þekkingu og jafnframt hafa íslenskir sérfræðingar og áhugafólk um þjónandi forystu deilt hugmyndunum sínum og viðhorfum. Samtal þátttakenda hefur síðan fléttað allar þessar hugmyndir og fært samræðuna enn þá nær íslenskum aðstæðum, áhuga og þörfum fólks og fyrirtækja hér á landi.

Samhliða ráðstefnuhaldi hefur Þekkingarsetur um þjónandi forystu annast fræðslu, ráðgjöf, kennslu og rannsóknir um þjónandi forystu. Kennslan hefur m.a. verið á vettvangi háskóla hér á landi og fyrsta formlega meistaranámskeiðið um þjónandi forystu var við Háskólann á Akureyri vorið 2012. Árið 2014 var gerður samstarfssamningur við Háskólann á Bifröst um miðlun og þróun þekkingar um þjónandi forystu m.a. kennslu, rannsóknir og ráðstefnuhald.

Miðlun þekkingar á vettvangi netsins er ein af grunnstoðum starfs Þekkingarsetursins. Fræðslu og upplýsingum er miðlað bæði á heimasíðunni www.thjonandiforysta og á facebook síðu Þekkingarseturs um þjónandi forystu. Áhugasamir geta skráð sig á póstlista Þekkingarsetursins á heimasíðunni og haft samband í gegnum tölvupóst: thjonandiforysta@thjonandiforysta.is.

Þjónandi forysta í stjórnun sveitarfélags – Kolfinna Jóhannesdóttir, sveitarstjóri í Borgarbyggð á ráðstefnunni á Bifröst 25. september 2015

September 10, 2015 by Sigrún

Kolfinna Jóhannesdóttir, sveitarstjóri í Borgarbyggð er meðal fyrirlesara á ráðstefnunni á Bifröst 25. september 2015. Erindið sitt kallar hún: ,,Þjónandi forysta í stjórnun sveitarfélags” og lýsir inntaki þess með eftirfarandi orðum:

Í erindi mínu mun ég fjalla um gildi þjónandi forystu í stjórnun sveitarfélags. Mikilvægi þess að hlusta og bera umhyggju fyrir hagsmunum og velferð annarra framar eigin völdum. Þá mun ég fjalla um samspil þess að bera virðingu fyrir ólíkum sjónarmiðum án þess að missa sjónar á heildarmyndinni og framtíðarsýn fyrir samfélagið í heild. Ég mun fjalla um mikilvægi jafnvægislistarinnar í starfi mínu þar sem þarf að sýna umhyggju og sveigjanleika en jafnframt aga og reglufestu. Þá mun ég fjalla um mikilvægi þess fyrir leiðtoga að hafa skýra framtíðarsýn fyrir samfélagið sem heild og taka dæmi úr starfi mínu sem sveitarstjóri í Borgarbyggð.

Það verður áhugavert að hlýða á Kolfinnu lýsa viðhorfum sínum og innsýn í þjónandi forystu í ljósi viðfangsefna sveitarstjórans. Þar á meðal um framtíðarsýnina sem Robert K. Greenleaf leit á sem einn af allra mikilvægustu þáttunum í þjónandi forystu og bendir á að forskot leiðtogans felist ekki síst í því að hafa tilfinningu fyrir hinu ókomna, greina hvers má vænta, hafa forgöngu um hlutina og leiða fólk áfram. Sjá nánar í grein hér.

Kolfinna Jóhannesdóttir, sveitarstjóri Borgarbyggð

Ráðstefna um þjónandi forystu á Bifröst 25. september 2015

Skráning

Yfirskrift ráðstefnunnar er: Þjónandi forysta og brautryðjendur.

Á ráðstefnunni munu fyrirlesarar og þátttakendur leita svara við spurningunni: ,,Hvernig getur þjónandi forysta verið drifkraftur brautryðjandans?”. Varpað verður t.d. ljósi á hvernig hógværð og auðmýkt leiðtogans eflir starfsgetu og starfsánægju starfsmannanna og að margt bendi til þess ,,að tími frekjuhundsins er líklega liðinn”.

Dagskrá:

kl. 10 – Opnun ráðstefnu

kl. 12 – Hádegishlé og samtal í hópum

kl. 15:30 – Lokaorð og ráðstefnuslit

Ráðstefnustjórar: Margrét Jónsdóttir Njarðvík og Ólöf Hugrún Valdimarsdóttir.

Ráðstefnugjald kr. 24.900. Innifalið í þátttökugjaldi eru námsgögn, kaffiveitingar og hádegisverður.

Skráning á ráðstefnuna

Nemendagjald: kr. 12.500. Sérkjör fyrir nemendur. Alls til sölu 50 nemendamiðar, fyrstir koma fyrstir fá. ATH. Nemendur vinsamlega skrái í athugasemdadálkinn upplýsingar um nám og háskóla. Hér er hlekkur á sérkjör nemenda.

Nemendaskráning

Skráning á ráðstefnuna

Samferða á ráðstefnuna?

Hér er slóð á facebookhóp fyrir þá sem vilja semja um að verða samferða á ráðstefnuna.

Dr. Carolyn Crippen á Bifröst 25. september 2015. – Margaret Benedictsson: Pioneer & Social Activist

September 9, 2015 by Sigrún

Dr. Carolyn Crippen er gestafyrirlesari á ráðstefnunni á Bifröst 25. september 2015. Dr. Crippen fjallar um þjónandi forystu frá ýmsum hliðum og meðal annars um Margréti Benedictsson sem var brautryðjandi í hópi Vestur Íslendinga í Kanada. Dr. Crippen lýsir erindi sínu með þessum orðum:

Margaret Benedictsson 1866-1956: Pioneer & Social Activist. Canada has been enriched by immigrants. The late 1800s were a particular time of profound growth in population, pioneer settlements, and industrialization. With this expansion came the stirrings for social change that continued into the early 1900s. One particular Icelandic immigrant, Margret Benedictsson, brought her beliefs and interest in social change to the province of Manitoba. Through her service to the Icelandic communities in Selkirk, Gimli, and Winnipeg she championed the cause for women’s suffrage, education, improved working conditions, and human rights. Benedictsson worked for the women’s vote, to assist new immigrants find employment, and to raise money through tombolas to pay for school tuition for girls. Benedictsson was co-editor (with her husband Sigfus) of the first woman’s suffrage journal (Freyja) in the Canadian west. Benedictsson developed a web throughout the province that connected Icelanders, women, feminists, suffragettes, and human rights activists. As a servant-leader, Benedictsson helped change the face of Manitoba. It became the first Canadian province to grant the vote to women in 1917 and the response to the motion in the Manitoba Legislature (provincial government) was appropriately given by a person of Icelandic decent. This presentation will introduce this remarkable woman and her contributions as a social activist.

Ráðstefna um þjónandi forystu á Bifröst 25. september 2015

Skráning

Sjötta ráðstefnan um þjónandi forystu verður haldin á Háskólanum á Bifröst föstudaginn 25. september 2015 kl. 10 – 15:30. Yfirskrift ráðstefnunnar er: Þjónandi forysta og brautryðjendur. Á ráðstefnunni munu fyrirlesarar og þátttakendur leita svara við spurningunni: ,,Hvernig getur þjónandi forysta verið drifkraftur brautryðjandans?”.

Dagskrá:

kl. 10 – Opnun ráðstefnu

kl. 12 – Hádegishlé og samtal í hópum

kl. 15:30 – Lokaorð og ráðstefnuslit

Skráning á ráðstefnuna

Carolyn Crippen er sérfræðingur á sviði þjónandi forystu og mjög skemmtilegur fyrirlesari. Hún er dósent við University of Victoria í Kanada og rannsóknir hennar fjalla meðal annars um þjónandi leiðtoga meðal frumkvöðla í Kanada. Nýlega birti hún t.d. rannsókn um þjónandi forystu í íþróttum. Hér eru nokkrar greinar Carolyn Crippen um þjónandi forystu:

1) Grein Carolyn Crippen um íþróttir og þjónandi forystu (á pdf formi).

2) Grein Carolyn Crippen um skólastjóra og þjónandi forystu (á pdf formi).

3) Doktorsritgerð Carolyn Crippen um brautryðjendur og þjónandi forystu (á pdf formi).

Dr. Carolyn Crippen, Associate Professor of Leadership Studies, Research Fellow, Centre for Youth and Society
Dept. of Educational Psychology & Leadership Studies, Faculty of Education – University of Victoria – Victoria, British Columbia. Heimasíða Carolyn Crippen við University of Victoria Canada

Er tími frekjuhundsins liðinn? Þjónandi forysta og brautryðjendur á Bifröst 25. september 2015

September 9, 2015 by Sigrún

Þjónandi forysta er hugmyndafræði sem hentar og gerir gagn á flestum, ef ekki öllum, sviðum samfélagsins. Á ráðstefnum undanfarin ár hefur verið varpað ljósi á ýmsar hliðar þjónandi forystu bæði í ljósi rannsókna og ekki síður miðað við reynslu og viðhorf fólks á vinnustöðum, stofnunum og félögum. Í ár eru dregin fram tengsl þjónandi forystu við áherslur brautryðjenda á ýmsum sviðum. Viðhorf og aðferðir þjónandi forystu nýtast í öllum viðfangsefnum brautryðjandans sem má draga saman samkvæmt þremur meginþáttum þjónandi forystu (Sigrún Gunnarsdóttir, 2011):

Brennandi áhugi. Brautryðjandi sem er þjónandi leiðtogi sýnir viðfangsefni sínu og samferðafólki brennandi áhuga. Áhuginn birtist í einbeitingu og góðri hlustun. Með því að hlusta eftir eigin hugmyndum og hugmyndum annarra eflist skilningurinn. Hlustun og skilningur gerir brautryðjandanum kleift að draga fram mikilvægustu sjónarmiðin og að virkja fólk með sér til góðra verka.
Sjálfsþekking. Brautryðjandi sem kýs þjónandi forystu leggur sig fram við sjálfsþekkingu og veit að sjálfsvitund og ígrundun eflir færni til að nýta krafta sína og styrkleika. Brautryðjandinn áttar sig líka á eigin veikleikum og leitar þess vegna til annarra eftir ráðgjöf og vinnuframlagi. Sjálfsþekking eflir sjálfstraust brautryðjandans og gerir honum auðveldara að koma fram af hógværð og auðmýkt.
Framtíðarsýn. Brautryðjandi hefur skýra framtíðarsýn og hugsjón sem hvetur hann áfram. Framtíðarsýn þjónandi leiðtoga tengist ábyrgðarskyldu brautryðjandans sem hann smitar til samferðafólks. Hugsjón og ábyrgðarskylda sameinar kraftana, styrkir samstarfið og viðheldur hvatningu og löngun til að ná markmiðunum.

Á ráðstefnunni á Bifröst 25. september 2015 munu fyrirlesarar og þátttakendur leita svara við spurningunni: ,,Hvernig getur þjónandi forysta verið drifkraftur brautryðjandans?”. Fyrirlesarar gefa innsýn í þjónandi forystu í viðskiptum, heimspeki, verkfræði, sveitarstjórnum og á fleiri sviðum mannlífsins. Til dæmis verður varpað ljósi á hvernig hógværð og auðmýkt leiðtogans eflir starfsgetu og starfsánægju starfsmannanna. Sömuleiðis verður glímt við staðhæfinguna um að ,,að tími frekjuhundsins sé líklega liðinn”.

Ráðstefna um þjónandi forystu á Bifröst 25. september 2015

Skráning

Sjötta ráðstefnan um þjónandi forystu verður haldin á Háskólanum á Bifröst föstudaginn 25. september 2015 kl. 10 – 15:30.

Yfirskrift ráðstefnunnar er: Þjónandi forysta og brautryðjendur.

https://thjonandiforysta.is/radstefna2015/

Skráning

Skipulag og þjónandi forysta. Erindi Einars Svanssonar á ráðstefnuninni á Bifröst 25. september 2015

September 8, 2015 by Sigrún

Einar Svansson, lektor við Háskólann á Bifröst mun fjalla um Skipulag og þjónandi forysta á ráðstefnuninni á Bifröst 25. september 2015. Einar hefur langa reynslu af rannsóknum og kennslu um skipulag fyrirtækja, stofnana og félaga og mun nú tengja fræðin og hagnýta reynslu við þjónandi forystu. Einar lýsir inntaki erindis síns með þessum orðum:

Skipulag verður fyrst skoðað stuttlega í sögulegu samhengi, hefðbundnar kenningar um ábyrgð og vald sem byggjast á framleiðsluiðnaði allt frá Iðnbyltingu til bandarískra stórfyrirtækja á 20. öldinni. Vald var staðsett efst í bröttum pýramída og æðstu stjórnendur nánast einráðir og gáfu fyrirskipanir að ofan. Því næst verða reifaðar birtingarmyndir skipulags sem komið hafa fram á síðustu áratugum, allt frá Morgan til Mintzberg. Sérstök áhersla verður síðan á fyrirtæki sem komu fram með nýjungar í átt til aukinnar valddreifingar og teymisvinnu. Reifuð sagan af Jan Carlsson forstjóra SAS frá 1981-1994 sem snéri pýramídanum á hvolf; talað um Ricardo Semler og tilraunir hans með iðnaðarlýðræði í brasilíska fyrirtækinu Semco 1988-2004. Í lokin verður fjallað um ný fyrirtæki sem byggja á starfsmannalýðræði og heildarstjórnun (e. holocracy) annarsvegar bandaríska fyrirtækið Zappos og hið íslenska Kolibri. INNFORM, ný rannsókn á skipulagi 280 stærstu íslensku fyrirtækjanna verður kynnt stuttlega og tengd umræðu um sögulega þróun og raundæmi. Hugleiðingar í lokin verða með áherslu á þjónandi forystu og staðsetningu og gildi hennar varðandi nútímalegt skipulag.

Hér er stutt grein um þjónandi forystu og nýjar hugmyndir um skipulag.

Upptaka á erindi Einars Svanssonar á ráðstefnunni á Bifröst 25. september 2015:

Ráðstefna um þjónandi forystu á Bifröst 25. september 2015

Skráning

Á ráðstefnunni munu fyrirlesarar og þátttakendur leita svara við spurningunni: ,,Hvernig getur þjónandi forysta verið drifkraftur brautryðjandans?”.

Ráðstefna um þjónandi forystu á Bifröst 25. september 2015

Skráning

,,Að finna styrk í vanmætti sínum” Hildur Eir Bolladóttir prestur og rithöfundur talar á ráðstefnunni um þjónandi forystu og brautryðjendur á Bifröst 25. september 2015

August 16, 2015 by Sigrún

Hildur Eir Bolladóttir prestur og rithöfundur talar á ráðstefnunni um þjónandi forystu og brautryðjendur á Bifröst 25. september 2015 undir yfirskriftinni: ,,Að finna styrk í vanmætti sínum”.

Hildur Eir ætlar að fjalla um hvernig hægt er að finna merkingu og styrk í vanmætti sínum og snúa þannig vörn í sókn. Hildur byggir erindið á eigin reynslu og fjallar um hvernig sú reynsla hefur mótað hana í leik og starfi. Hildur lýsir umfjöllunarefni sínu með þessum orðum:

Forvitni og virk hlustun eru eiginleikar sem ég var studd til að rækta frá upphafi og hafa fram til þessa verið mín bestu bjargráð í lífi og starfi. Það segir sig kannski sjálft að þessir eiginleikar eru mikilvægir í starfi prestsins, sálgætir sem ekki er forvitinn um fólk er ekki líklegur til að spyrja spurninga sem opna á það sem máli skiptir, forvitni, borin uppi af umhyggju er lykillinn að mannssálinni, virk hlustun er glugginn sem hleypir ljósinu í gegn. Allar manneskjur þurfa að finna að lífssaga þeirra skipti máli og að reynsla þeirra, góð og slæm sé ekki merkingarsnauð, að fá eyra til að segja sögu sína gefur henni strax tilgang. Já sumir ganga m.a.s. svo langt að gefa hana út á prenti. En maður reynist ekki bara öðrum vel með því að vera forvitinn hlustandi, maður getur líka reynst sjálfum sér vel með þá eiginleika í farteskinu og að því hef ég komist í stærstu baráttu lífs míns, hingað til.

Hildur Eir er þekkt fyrir frumlega og hispurslausa nálgun sína á viðfangsefni samtímans og mun á ráðstefnunni fjalla um viðhorf sín og reynslu í ljósi hugmyndafræði þjónandi forystu.

Hildur Eir er sannarlega brautryðjandi í umfjöllun um mikilvæg málefni. Hún hefur farið ótroðanar slóðir til að opna umræðu um viðkvæm og oft persónuleg mál og hefur frumkvæði hennar og skörp nálgun orðið öðrum mikil hvatning og dýrmætur lærdómur.

Hugmyndafræði þjónandi forystu hvílir á þremur meginstoðum sem eru 1) einlægur áhugi á hugmyndum og hagmunum annarra, 2) sjálfsþekking og vitund og 3) skörp sýn á hugsjón, tilgang og framtíðarsýn. Hugmyndir og pælingar Hildar Eirar snerta allar þessar þrjár stoðir þjónandi forystu og verður spennandi að heyra hvernig hún fléttar þetta saman á ráðstefnunni á Bifröst 25. september nk.

Hér er erindi Hildar Eirar í heils sinni á heimasíðu hennar hildureir.is

Hildur Eir Bolladóttir

Ráðstefna um þjónandi forystu á Bifröst 25. september 2015

Skráning

Á ráðstefnunni munu fyrirlesarar og þátttakendur leita svara við spurningunni: ,,Hvernig getur þjónandi forysta verið drifkraftur brautryðjandans?”.

Þátttökugjald kr. 24.900

Dagskrá:

kl. 10 – Opnun ráðstefnu

kl. 12 – Hádegishlé og samtal í hópum

kl. 15:30 – Lokaorð og ráðstefnuslit

Skráning á ráðstefnuna

Kasper Edwalds sérfræðingur í straumlínustjórnun og þjónandi forystu við DTU talar á ráðstefnunni á Bifröst 25. september 2015

August 6, 2015 by Sigrún

Kasper Edwalds sérfræðingur í straumlínustjórnun og þjónandi forystu við DTU verður fyrirlesari á ráðstefnunni á Bifröst 25. september nk. Kasper kom hingað einnig á ráðstefnu um þjónandi forystu árið 2011 og fjallaði þá um straumlínustjórnun og þjónandi forystu. Nú í ár mun erindi hans taka mið af efni ráðstefnunnar sem er þjónandi forysta og brautryðjendur.

Erindi Kasper Edwalds á ráðstefnunni á Bifröst í haust ber yfirskriftina: ,,The servant leadership of change – Successful change required leaders to stand back”. Erindið byggir m.a. á rannsóknum Kasper um breytingastjórnun á Ríkisspítalanum í Kaupmannahöfn og verður fróðlegt að hlýða á Kasper lýsa því hvernig þættir þjónandi forystu hjá stjórnendum tengast árangri breytinga og eru hugsanlegir áhrifaþættir hjá brautryðjendum framfara og breytinga.

Kasper Edwalds starfar við DTU í Kaupmannahöfn sem senior researcher á sviði ,,Production and Service Management”. Hann er formaður stjórnar NOVO rannsóknarsamstarfsins sem snýr að heilbrigðu starfsumhverfi í heilbrigðisþjónustunni. Meðal rannsóknarverkefna NOVO er rannsókn um straumlínustjórnun, þjónandi forystu og starfsumhverfi sem nær til sjúkrahúsa í Svíþjóð, Danmörku og á Íslandi. Rannsóknarhlutinn hér á landi fór fram á bráðamóttökudeildum Landspítala og fyrstu niðurstöður þar benda til mikilvægis þjónandi forystu fyrir sköpunargleði starfsfólks og árangur af innleiðingu straumlínustjórnunar á sjúkrahúsi.

Kasper Edwalds

Ráðstefna um þjónandi forystu á Bifröst 25. september 2015

Skráning

Á ráðstefnunni munu fyrirlesarar og þátttakendur leita svara við spurningunni: ,,Hvernig getur þjónandi forysta verið drifkraftur brautryðjandans?”.

Snemmskráning fyrir 15. ágúst 2015: Þáttökugjald kr. 19.900

Skráning frá og með 15. ágúst 2015: Þátttökugjald kr. 24.900

Dagskrá:

kl. 10 – Opnun ráðstefnu

kl. 12 – Hádegishlé og samtal í hópum

kl. 15:30 – Lokaorð og ráðstefnuslit

Skráning á ráðstefnuna

,,Hvernig hefur aðferðarfræði þjónandi forystu skapað tækifæri innandyra hjá starfsfólki?” Haraldur Líndal Pétursson forstjóri Johan Rönning hf talar á ráðstefnu um þjónandi forystu á Bifröst 25. september 2015

August 5, 2015 by Sigrún

Haraldur Líndal Pétursson forstjóri Johan Rönning hf talar á ráðstefnunni á Bifröst 25. september nk. og mun þar fjalla um reynslu sína og sýn á þjónandi forystu miðað við efni ráðstefnunnar sem er: Þjónandi forysta og brautryðjendur.

Erindi sitt kallar Haraldur ,,(Ó)meðvituð þjónandi forystu innan Johan Rönning”. Haraldur mun veita okkur innsýn inn í fyrirtækið sem hlotið hefur nafnbótina Fyrirmyndarfyrirtæki ársins í vinnumarkaðskönnun VR síðastliðin fjögur ár. Í fyrirlestrinum varpar Haraldur fram nokkrum spurningum:

Hvaða leyndarmál liggja að baki þessari miklu starfsánægju innan fyrirtækisins?
Hvernig viðheldur fyrirtækið þessari starfsánægju og með hvaða hætti hafa starfsmenn tekið þátt í að byggja upp þessa starfsánægju?
Með hvaða hætti hafa þær ákvarðanir sem teknar voru af eigendum/stjórnendum á erfiðleikaárunum í kringum hrunið þróast?
Hvernig hefur fyrirtækinu gengið að virkja stjórnendur og starfsmenn að vinna eftir hugmyndafræði „þjónandi forysta“ og hversu stóran þátt hefur aðferðarfræðin átt í því að skapa starfsánægju innandyra?
Hvernig nýtist það návígi sem skapast með þessari aðferðarfræði milli stjórnenda og starfsmanna?
Hvernig hefur aðferðarfræði þjónandi forystu skapað tækifæri innandyra hjá starfsfólki?
Hvernig hefur fyrirtækið náð að nýta sé þjónandi forystu í að skapa sér aukið samkeppnisforskot?

Ofangreindum spurningum mun Haraldur leitast við að svara í fyrirlestri sínum og hvaða aðferðarfræði fyrirtækið beitir í því að laða það besta fram í hverjum innan hópsins.

Það verður sérstaklega áhugavert að kynnast hugmyndum Haraldar og sjá hvernig viðhorf hans og reynslan hjá Johan Rönning endurspeglast í hugmyndafræði þjónandi forystu sem einkennist á einlægum áhuga á hugmyndum og hagsmunum annarra, stöðugri þekkingarleit og sjálfsþekkingu og síðast en ekki síst hugsjón og skarpri framtíðarsýn.

Johan Rönnig var valið fyrirtæki ársins 2014 í hópi stórra fyrirtækja þriðja árið í röð samkvæmt könnun VR. Johan Rönning var stofnað árið 1933 hefur 5 ár í röð verið valið fyrirmyndarfyrirtæki VR ásamt því að hljóta nafnbótina fyrirtæki ársins 2012, 2013 og 2014. Johan Rönning hlaut einnig jafnlaunavottun VR árið 2013, eitt af fyrstu fyrirtækjum í landinu til að hljóta slíka viðurkenningu.

Ráðstefna á Bifröst föstudaginn 25. september 2015 kl. 10 – 15:30.

Skráning á ráðstefnuna.

Haraldur Líndal Pétursson

Ráðstefna um þjónandi forystu á Bifröst 25. september 2015

Skráning

Á ráðstefnunni munu fyrirlesarar og þátttakendur leita svara við spurningunni: ,,Hvernig getur þjónandi forysta verið drifkraftur brautryðjandans?”.

Snemmskráning fyrir 15. ágúst 2015: Þáttökugjald kr. 19.900

Skráning frá og með 15. ágúst 2015: Þátttökugjald kr. 24.900

Dagskrá:

kl. 10 – Opnun ráðstefnu

kl. 12 – Hádegishlé og samtal í hópum

kl. 15:30 – Lokaorð og ráðstefnuslit

Skráning á ráðstefnuna

Gildi hlustunar í þjónandi forystu. ,,Begin with Listening” – Fyrirlestur Carolyn Crippen á ráðstefnunni á Bifröst 25. september 2015

July 30, 2015 by Sigrún

Dr. Carolyn Crippen verður fyrirlesari á ráðstefnunni á Bifröst 25. september 2015. Hún var hér einnig á ráðstefnu um þjónandi forystu í júní 2013 og voru ráðstefnugestir sérstaklega ánægðir með fyrirlestur hennar og frumlegar aðferðir til að ná til áheyrenda. Carolyn mun flytja tvo fyrirlestra á ráðstefnunni í haust, annars vegar um brautryðjendur og þjónandi forystu og hins vegar um gildi hlustunar í áherslum þjónandi forystu. Hér er ágrip að fyrirlestri Carolyn Crippen um gildi hlustunar í þjónandi forystu:

Begin with Listening

Listening is the key step to being a servant-leader. Servant-leaders care about their followers and the needs of these followers. Thus, it is critical that one begins with listening (Greenleaf, 1970). It is a difficult process if done well. There are a few steps and issues related to positive listening. First, one must listen to one’s self. Ponder and reflect upon one’s ideas. The question: where are you now provides a frame for daily self-reflection. Then, what have you learned? The next step is to ask what you hear when listening to another person. And last, what did you learn?

One must be in the moment with the other person. Sergiovanni (1992) says that we honour a person when we give them our undivided attention. By really listening, we are saying, we value that person. We are investing in that person and their needs.

It is critical to remember that unless what you have to say in a dialogue or conversation adds to the conversation in a positive way, then one should remain silent. Greenleaf would say: be silent, be still.

Our session will discuss the relevance of listening as a servant-leader and provide suggestions for your improvements as active and reflective listeners.

Ráðstefna um þjónandi forystu á Bifröst 25. september 2015

Skráning

Á ráðstefnunni munu fyrirlesarar og þátttakendur leita svara við spurningunni: ,,Hvernig getur þjónandi forysta verið drifkraftur brautryðjandans?”.

Þátttökugjald kr. 24.900

Skráning