Þjónandi forysta

You are here: Home / Archives for Kynningarfundir

Kynningarfundur á Akureyri miðvikudag 25. apríl 2012 kl.16:30 – 18:00

by

Nýjar rannsóknir um þjónandi forystu hér á landi

Kynningarfundur um þjónandi forystu miðvikudaginn 25. apríl kl. 16:30 – 18:00 haldinn í Háskólanum á Akureyri, Sólborg stofu M201

Efni: Hugmyndafræði þjónandi forystu og nýjar rannsóknir um þjónandi forystu sem unnar eru til meistaraprófs af nemendum á Akureyri.

Samtal í lok fundar með kaffi og kleinu

Dagskrá:

  • Hugmyndafræði þjónandi forystu og starfið hér á landi – Sigrún Gunnarsdóttir, lektor við HÍ og starfsmaður Þekkingarseturs um þjónandi forystu
  • Stjórna skólastjórar, í grunnskólum á Norðurlandi eystra, skólum sínum í anda þjónandi forystu? Þóra Hjörleifsdóttir, íslenskukennari í Lundarskóla á Akureyri
  • Líðan sjúkraliða í starfi – hefur stjórnun áhrif? – Þóra Ákadóttir, starfsmannastjóri Sjúkrahússins á Akureyri
  • Þjónandi forysta og starfsumhverfið á hjúkrunarsviðum á sjúkrahúsinu á Akureyri – Hulda Rafnsdóttir, hjúkrunarfræðingur á Sjúkrahúsinu á Akureyri og meistaranemi við heilbrigðisvísindasvið við Háskólann á Akureyri

Fundurinn er öllum opinn

Fjölsóttur fundur um gildi auðmýktar og þjónandi forystu, 22.3. 2012

by

Um fimmtíu þátttakendur voru á kynningarfundi um auðmýkt, hógværð og þjónandi forystu sem haldinn var í húsnæði UMFÍ að Sigtúni 42, fimmtudaginn 22. mars 2012.

Fjallað var um fræðilegar og sögulegar hliðar hugtakanna og varpað ljósi á þróun þeirra og gildi í samskiptum og menningu.

Rýnt var í skrif Robert K. Greenleaf um þjónandi forystu sem byggir á auðmýkt og styrk leiðtogans og birtist í því að leita hugmynda annarra og að gefa öðrum rými með orðum og athöfnum.

Kynntar voru niðurstöður nýrra rannsókna hér á landi sem sýna marktæk tengsl hógværrar framgöngu stjórnanda í heilbrigðisþjónustu, skólum og fyrirtækjum og starfsánægju þeirra sem njóta slíkrar forystu og stjórnunar.

Í samtali þátttakenda kom fram að þeir telja mikinn hag af forystu sem er þjónandi og einkennist af auðmýkt og hógværð leiðtogans. Fyrstu skrefin í átt að slíkum samskiptum er rýni í eigin viðhorf og aðferðir. Jafnframt er gagnlegt að nýta viðburði og daglegt líf sem tilefni til að rökræða og fræða hvert annað um gildi hógværðar og auðmýktar fyrir eigin hag og ekki síst fyrir hag annarra. Samskipti við börn og fyrirmyndir barna eru þarna grundvallaratriði.

Einn hópanna batt niðurstöður sínar í þessa vísu: Hógværðin er hjartans mál. /  Henni skaltu flíka. / Auðmýkt sýndu, ekki tál. / Auðnu færðu ríka. / SS.

Samantekt á efni Lenu Rósar er hér.

Samantekt á efni Sigrúnar er hér. 

Hvaða árangri skilar hógværð? Kynningarfundur 22. mars 2012 – Sigtúni 42

by

Opinn kynningarfundur um þjónandi forystu fimmtudaginn 22. mars n.k. kl. 18 – 19:30

Efni: Þjónandi forysta og hógværð – Hvað segja fræðin og rannsóknir hér á landi?

Staðsetning: Sigtún 42, 1. hæð

Stutt kynningarerindi og samtal yfir súpu

  • Sr. Lena Rós Matthíasdóttir: Philotimia versus Humilitas? –  Þjónandi leiðtogi í síkvikum heimi.
  • Dr. Sigrún Gunnarsdóttir: Hógvær framganga stjórnanda og betri árangur.  – Nýjar rannsóknir um þjónandi forystu hér á landi.

Allir velkomnir

Vinsamlega skráið þátttöku fyrir kl. 12, fimmtudaginn 22. mars.

Skráning á fundinn er hér.