Joseph J. Iarocci hefur verið ráðinn til starfa sem framkvæmdastjóri Greenleaf Center for Servant Leadership og tekur við starfinu 1. ágúst næstkomandi af Kent M Keith sem hefur leitt miðstöðina á farsælan og árangursríkan hátt síðastliðinn fimm ár. Kent er traustur bakhjarl Þekkingarsetur um þjónandi forystu hér á landi (Greenleaf Iceland) og var fyrirlesari á ráðstefnum og námskeiðum hér árin 2008 og 2010.

Joseph J. Iarocci hefur langa reynslu sem stjórnandi og leiðtogi og nú síðast sem framkvæmdastjóri ráðgjafafyrirtækis á sviði nýsköpunar og framfara, Mission-Driven Partners og hefur setið í stjórnum fjölda félaga meðal annars Georgia Center for Nonprofits, Social Accountability International and Citizen Effect. Hann hefur prófgráður í lögum og guðfræði, er kennari og þekktur fyrirlesari um forystu, siðfræði og vanda sem tengist vaxandi fátækt í heiminum. Sjá nánar á heimasíðu Greenleaf Center for Servant Leadership

Greenleaf setur hér á landi.

Fyrr á árinu var undirritaður samningur við Greenleaf Center Indianapolis um stofnun Greenleaf seturs hér á landi (Greenleaf Center Iceland). Um er að ræða samstarfssamning um að kynna þjónandi forystu sem felur meðal annars felur í sér aðgang að efni sem gefið er út á vegum bandaríska setursins sem og samstarf um ráðstefnur, námskeið og þekkingarþróun um þjónandi forystu.

Í ljósi hins nýja samnings hefur verið sett á laggirnar nýtt skipulag starfsins hér á landi:

• Bakland skipað áhugafólki sem sótt hefur námskeið og málþing um þjónandi forystu hér undanfarin misseri. Í baklandinu er fjölbreyttur hópur víða að úr samfélaginu og er hlutverk þess að móta stefnu um megináherslur og verkefni til að kynna og efla þjónandi forystu hér á landi. Baklandið fundar nokkrum sinnum á ári.

• Framkvæmdateymi sem hrindir í framkvæmd verkefnum samkvæmt stefnu baklands hverju sinni. Framkvæmdateymið skipa Guðrún Hrefna Guðmundsóttir, skólameistari Fjölbrautaskólans í Breiðholti, Kristinn Ólason, rektor Skálholtsskóla og Sigrún Gunnarsdóttir, hjúkrunarfræðingur og lektor Háskóla Íslands.

Fyrirspurnum, tillögum og ábendingum má beina til fyrirspurn@greenleaf.is

Námstefnan með Kent M Keith helgina 5. til 7. mars gekk afar vel. Þátttakendur komu víða að og nutu kennslu og leiðsagnar Kents og rökræðu og samtals í vinnuhópum. Mikil ánægja var meðal þátttakenda sem starfa víðsvegar í samfélaginu, t.d sem stjórnendur í viðskiptalífinum, kennarar í framhaldskólum,  rannsakendur og kennarar í háskólum, prestar í þjónustu kirkjunnar, stjórnendur á sjúkrahúsum og leiðtogar í þjónustu sveitarfélaga. Fyrirlestrar Kents fjölluðu um inntak þjónandi forystu frá ýmsum sjónarhornum. Þátttakendur glímdu við verkefni og spurningar um eigin áherslur og viðhorf til grundvallarþátta þjónandi forystu; að þekkja sjálfan sig, hlusta af alúð, leiðbeina og laða fram orku og vitsmuni annarra, breyta píramídanum og horfa fram á veginn. Námstefnan undirstrikaði sannarlega gildi hugmyndafræðinnar og gildi hennar hér á landi.

Ljósmyndir frá námsstefnunni:

Fyrirlestur Kents í hátíðarsal Háskóla Íslands var mjög vel sóttur og setið í nær hverju sæti. Kent lýsti á lifandi og sannfærandi hátt hvernig þjónandi forystu eflir siðgæði fyrirtækja og glæðir störf og stjórnun þannig að tilgangur og merking starfanna eru í forgrunni og hafa djúp og jákvæð áhrif á líðan starfsfólks og árangur . Kent dró fram sterk rök fyrir því að með hugmyndafræði þjónandi forystu og aðferðum hennar vex árangur fyrirtækja. Velgengni fjölmargra fyrirtækja vitna um gildi þjónandi forystu fyrir rekstur og hagsmuni samfélagsins í heild.

Dr. Kent M. Keith heldur fyrirlestur í hátíðasal Háskóla Íslands mánudaginn 8. mars nk.  kl. 16 – 17.

Dr. Keith mun fjalla um þjónandi forystu undir yfirskriftinni Servant Leadership: Ethical, Practical, and meaningful.

Fyrirlesturinn er öllum opinn og er skipulagður í samvinnu viðskiptafræðideildar, guðfræði- og trúarbragafræðideildar og hjúkrunarfræðideildar Háskóla Íslands.

Nánari upplýsingar um Dr. Kent M. Keith má sjá á þessu síðum:
www.kentmkeith.com
www.paradoxicalcommandments.com
www.greenleaf.org/aboutus/staff.html

Dr. Kent M. Keith er framkvæmdastjóri Greenleaf Center for Servant Leadership í Indianapolis í Bandaríkjunum. Hann hélt fyrirlestur á ráðstefnunni um þjónandi forystu 20. júní á síðasta ári. Vakti fyrirlestur hans mikla ánægju þátttakenda fyrir hrífandi framsögu og afburða framsetningu á hugmyndunum um þjónandi forystu.

Námskeið í Skálholti 5. – 7. mars 2010
Kent M. Keith heldur námskeið í Skálholti helgina 5. til 7. mars. Dagskrá og skráning á námskeiðið verður kynnt hér á næstu vikum.  Fyrirspurnir má senda í gegnum þetta form.

Opinber fyrirlestur 8. mars 2010
Mánudaginn 8. mars kl. 16 heldur Kent M. Keith opinberan fyrirlestur í Háskóla Íslands. Fyrirlesturinn verður nánar auglýstur þegar nær dregur.

Sjá:
www.kentmkeith.com
www.paradoxicalcommandments.com
www.greenleaf.org