Þóra Hjörleifsdóttir hefur lokið rannsókn sinni til meistaraprófs um þjónandi forystu í grunnskólum á Norðurlandi.

Rannsókn Þóru er liður í rannsóknarsamstarfi Þekkingarseturs um þjónandi forystu hér landi í samvinnu við Dirk van Dierendonck við Erasmusháskólann í Hollandi. Þóra lauk MS prófi frá Háskólanum á Akureyri undir leiðsögn Trausta Þorsteinssonar og Sigrúnar Gunnarsdóttur.

Rannsóknin leiðir í ljós að þjónandi forysta einkennir almennt stjórnun og forystu skólastjóra í grunnskólum á Norðurlandi að mati starfsfólks skólanna. Jafnframt kom í ljós að sterk einkenni þjónandi forystu í framgöngu og samskiptum skólastjóra tengist starfsánægju meðal starfsfólks í skólum þeirra.

Ritgerðin er aðgengileg á skemman.is

Í janúar nk. hefst MS námskeið um þjónandi forystu í Háskólanum á Akureyri. Um er að ræða námskeið til 10 ECTS og er kennt í fjórum lotum frá janúar til apríl 2012.

Markmið námskeiðsins er að auka þekkingu þátttakanda á forystu, stjórnun og ígrundun innan heilbrigðisstofnana með sérstakri áherslu á þjónandi forystu.

Námskeiðið höfðar jafnframt til þeirra sem starfa utan heilbrigðisþjónustunnar og nemendur fá tækifæri til að sníða verkefni að eigin sérsviði.

Námskeiðið er þrískipt, þ.e. þjónandi forysta, stjórnun og forysta og ígrundun. Í námskeiðinu er byggt á samtali og virkri þátttöku nemenda. Fjallað verður um hugmyndafræði þjónandi forystu, rannsóknir á sviðinu og kynnt raunhæf dæmi um fyrirtæki og stofnanir sem nýta hugmyndafræðina.

Kynntar verða helstu kenningar í stjórnun og forystu með sérstakri áherslu á viðfangsefni heilbrigðisþjónustunnar. Hugmyndafræði ígrundunar verður kynnt og hvernig megi beita ígrundun til að styrkja sig í starfi stjórnanda og/eða leiðtoga. Áhersla er lögð á að kynna nýjar rannsóknir um forystu, stjórnun og ígrundun innan heilbrigðisþjónustunnar.

Nánari upplýsingar eru á heimasíðu Háskólans á Akureyri .

Um eitt hundrað þátttakendur frá ýmsum sviðum samfélagsins nutu fjölbreyttrar dagskrár á ráðstefnunni 14. október s.l.

Um miðjan dag var skipt í umræðuhópa sem ræddu um gildi þjónandi forystu um leið og snæddur var hádegisverður í Skálholtsskóla. Rætt var um hvort þjónandi forysta virkaði, hvort þörf væri fyrir hugmyndafræðina hér á landi og hvaða leiðir væru vænlegar til að innleiða slíka hugmyndafræði.

Niðurstöður umræðu í hópunum einkenndust af sannfæringu þátttakenda um að þjónandi forysta væri viðhorf og aðferðir sem skiluðu góðum árangri fyrir starfsfólk og starfsemi fyrirtækja og stofnana, dæmin sýni það og sanni. Að sama skapi töldu þátttakendur þörf fyrir þessar hugmyndir hér á landi, kannski nú sem aldrei fyrr. Þegar kom að hugmyndum um leiðir til innleiðingar var þátttakendum tíðrætt um að byrja sjálf og leitast við að vera fyrirmyndir. Hér má lesa niðurstöður umræðu í hópum (PDF)

Erindi fyrirlesara endurspegluðu rannsóknir og reynslu frá ýmsum hliðum og vörpuðu ljósi á samverkandi þætti þjónandi forystu. Erindin sýndu að þjónandi forysta hefur sannað gildi sitt í viðskiptalífi, heilbrigðisþjónustu, menntakerfinu og víðar. Þjónandi leiðtogi smitar áhuga til góðra verka og nær árangri með lýðræðislegum samskiptum, hlustun, hógværð, þjónustu, innsæi, hugrekki og samfélagslegri ábyrgð. Hér á síðunni er að finna glærur sem fylgdu erindi Dr. Kasper Edwalds.

Ráðstefnurit (PDF)

Ráðstefna í Skálholti föstudaginn 14. október 2011 kl. 11 – 16

Servant Leadership. Conference at Skalholt 14 October 2011

Aðalfyrirlesarar (Key-note speakers):

Dr. Dirk van Dierendonck, Associate Professor of Organizational Behavior, Rotterdam School of Management, Erasmus University, Rotterdam

Dr. Kasper Edwards, Senior Researcher  of Management Engineering Work, Technology and Organisation, Technical University of Denmark (DTU)

Dagskrá:

11:00 Ráðstefna sett – Dr. Kristinn Ólason

11:10 Dr. Dirk van Dierendonck
Servant Leadership, a state-of-the-art overview

12:10 Dr. Björn Zoëga, forstjóri Landspítala
Landspítali og þjónandi forysta

12:30 Aðalheiður Héðinsdóttir, forstjóri Kaffitárs
Sá uppsker mest, sem þjónar best

12:50 Samtal í hópum og hádegisverður í Skálholtsskóla

14:20 Dr. Kasper Edwards
Servant leadership, psychosocial work environment and performance

15:20 Guðrún Hrefna Guðmundsdóttir, skólameistari FB
Hvernig nýtist hugmyndafræði þjónandi forystu í skólastarfi?

15:40 Dr. Sigrún Gunnarsdóttir, lektor HÍ
Vigdís Magnúsdóttir – Fyrirmynd þjónandi forystu

16:00 Ráðstefnuslit

Fundarstjóri: Gunnbjörg Óladóttir

Vinsamlega skráið þátttöku á vef Skálholts (on-line registration)

Ráðstefnan er tileinkuð minningu Vigdísar Magnúsdóttur sem hefði orðið áttræð á árinu. Hún var hjúkrunarforstjóri og forstjóri Landspítala um árabil og var mikilvæg fyrirmynd þjónandi forystu hér á landi.

Ríkisútvarpið – Landið sem rís. Sunnudag 8. maí 2011.

Samtal um þjónandi forystu – Ævar Kjartansson, Jón Ormur Halldórsson og Sigrún Gunnarsdótttir

Smellið hér til að hlusta á samtalið í gegnum MP3 snið.

Fimmtudaginn 7. apríl kl. 18 – 19:30 í Fjölbrautarskólanum í Breiðholti, Mánasal, 2. hæð.

Framsöguerindi halda þau Gunnbjörg Óladóttir (samantekt á PDF) og Sigurður Ragnarsson (samantekt á PDF). Eftir framsöguerindin verður umræða í hópum yfir súpu í matsal skólans.

Þátttökugjald kr. 700.- vegna kostnaðar við súpuna. Vinsamlega tilkynnið þátttöku á heimasíðu þjónandi forystu fyrir kl. 17 miðvikudaginn 6. apríl nk. Fundurinn er öllum opinn.  Smellið hér til að skrá ykkur á fundinn.

Gunnbjörg Óladóttir er aðstoðarmaður forstjóra Brims hf. Gunnbjörg vinnur að doktorsritgerð við Edinborgarháskóla í trúarlífssálarfræði og er áhugamaður um þjónandi forystu. Sigurður Ragnarsson starfar við kennslu og fræðslu og kennir m.a. við Háskólann í Reykjavík og Háskólann á Bifröst. Sérsvið Sigurðar eru leiðtogafræði, samningatækni og markaðsfræði.  Samhliða starfi stundar hann doktorsnám í leiðtogafræðum, við Háskóla Íslands, með sérstakri áherslu á siðferðilega- og þjónandi forystu.

Hér er hægt að ná í samantekt af erindunum á PDF:

Gunnbjörg Óladóttir – lykil atriði þjónandi forystu

Sigurður Ragnarsson – þjónandi forysta og siðferði

Greenleaf setur hér á landi.

Fyrr á árinu var undirritaður samningur við Greenleaf Center Indianapolis um stofnun Greenleaf seturs hér á landi (Greenleaf Center Iceland). Um er að ræða samstarfssamning um að kynna þjónandi forystu sem felur meðal annars felur í sér aðgang að efni sem gefið er út á vegum bandaríska setursins sem og samstarf um ráðstefnur, námskeið og þekkingarþróun um þjónandi forystu.

Í ljósi hins nýja samnings hefur verið sett á laggirnar nýtt skipulag starfsins hér á landi:

• Bakland skipað áhugafólki sem sótt hefur námskeið og málþing um þjónandi forystu hér undanfarin misseri. Í baklandinu er fjölbreyttur hópur víða að úr samfélaginu og er hlutverk þess að móta stefnu um megináherslur og verkefni til að kynna og efla þjónandi forystu hér á landi. Baklandið fundar nokkrum sinnum á ári.

• Framkvæmdateymi sem hrindir í framkvæmd verkefnum samkvæmt stefnu baklands hverju sinni. Framkvæmdateymið skipa Guðrún Hrefna Guðmundsóttir, skólameistari Fjölbrautaskólans í Breiðholti, Kristinn Ólason, rektor Skálholtsskóla og Sigrún Gunnarsdóttir, hjúkrunarfræðingur og lektor Háskóla Íslands.

Fyrirspurnum, tillögum og ábendingum má beina til fyrirspurn@greenleaf.is

Nýlega voru birtar skýrslur um þrjár nýjar rannsóknir um þjónandi forystu og tengsl hennar við starfsánægju og gæði þjónustu hér á landi. Rannsóknirnar eru verkefni til meistaraprófa og voru unnar með lífeindafræðingum, starfsfólki sjúkrahúsa og erlendum konum sem þáðu mæðravernd hér á landi.

Höfundar eru Alda M. Hauksdóttir, MS (lífeindafræðingar), Birna G. Jónsdóttir, MS (erlendar mæður) og Erla Björk Sverrisdóttir, MS (starfsfólk sjúkrahúsa). Rannsóknarskýrslurnar eru aðgengilegar á www.skemman.is

Lesa meira »

Þjónandi forysta: nýjar rannsóknir og reynsla af þjónandi forystu í daglegum störfum

Dagskrá:

17:00 – 18:10: Rannsóknir um þjónandi forystu.

Nýútskrifaðir meistarar og meistaranemar auk Dr. Sigrúnar Gunnarsdóttur við Háskóla Íslands kynna nýjar rannsóknir um þjónandi forystu og tengsl hennar við starfsánægju og gæði þjónustu hér á landi. Kynntar verða rannsóknir sem unnar eru með lífeindafræðingum, starfsfólki sjúkrahúsa, starfsfólki þjónustufyrirtækis, starfsfólki félagsþjónustu og erlendum konum sem þáðu mæðravernd hér á landi. Eftirtaldar kynna rannsóknir sínar: Alda M. Hauksdóttir (lífeindafræðingar), Birna G. Jónsdóttir (erlendar mæður), Erla Björk Sverrisdóttir (starfsfólk sjúkrahúsa), Sólveig Reynisdóttir (starfsfólk þjónustufyrirtækis) og Steingerður Kristjánsdóttir (starfsfólk félagsþjónustu).

18:10 – 19:00: Samtal í hópum um þjónandi forystu og kvöldverður.

19:00 – 19:50: Þjónandi forysta í daglegum störfum. Reynsla af  þjónandi forystu hér á landi í heilbrigðisþjónustunni og í starfi kirkjunnar. Sr. Lena Rós Matthíasdóttir, Grafarvogskirkju og Þórunn Benediktsdóttir hjúkrunarforstjóri Heilbrigðisstofnunar Suðurnesja fjalla um reynslu sína af þjónandi forystu í daglegum störfum.

Málþingið er opið öllum áhugasömum. Staðsetning: Heilbrigðisstofnun Suðurnesja (HSS), Keflavík, fundarsalur þriðju hæð  Þátttökugjald er kr. 1000, vegna kostnaðar við kvöldverð. Skráning hjá thjonandiforysta hja thjonandiforysta.is og hjá Keflavíkurkirkju fyrir kl. 14 miðvikudaginn 19. 5. Málþingið er haldið í fundarsal HSS á þriðju hæð.  Gengið er inn um aðalinnganginn og til vinstri og síðan til hægri að lyftu sem er tekin upp á þriðju hæð. Sjá kort á já.is

Námstefnan með Kent M Keith helgina 5. til 7. mars gekk afar vel. Þátttakendur komu víða að og nutu kennslu og leiðsagnar Kents og rökræðu og samtals í vinnuhópum. Mikil ánægja var meðal þátttakenda sem starfa víðsvegar í samfélaginu, t.d sem stjórnendur í viðskiptalífinum, kennarar í framhaldskólum,  rannsakendur og kennarar í háskólum, prestar í þjónustu kirkjunnar, stjórnendur á sjúkrahúsum og leiðtogar í þjónustu sveitarfélaga. Fyrirlestrar Kents fjölluðu um inntak þjónandi forystu frá ýmsum sjónarhornum. Þátttakendur glímdu við verkefni og spurningar um eigin áherslur og viðhorf til grundvallarþátta þjónandi forystu; að þekkja sjálfan sig, hlusta af alúð, leiðbeina og laða fram orku og vitsmuni annarra, breyta píramídanum og horfa fram á veginn. Námstefnan undirstrikaði sannarlega gildi hugmyndafræðinnar og gildi hennar hér á landi.

Ljósmyndir frá námsstefnunni:

Fyrirlestur Kents í hátíðarsal Háskóla Íslands var mjög vel sóttur og setið í nær hverju sæti. Kent lýsti á lifandi og sannfærandi hátt hvernig þjónandi forystu eflir siðgæði fyrirtækja og glæðir störf og stjórnun þannig að tilgangur og merking starfanna eru í forgrunni og hafa djúp og jákvæð áhrif á líðan starfsfólks og árangur . Kent dró fram sterk rök fyrir því að með hugmyndafræði þjónandi forystu og aðferðum hennar vex árangur fyrirtækja. Velgengni fjölmargra fyrirtækja vitna um gildi þjónandi forystu fyrir rekstur og hagsmuni samfélagsins í heild.