Þekkingarsetur um þjónandi forystu starfar hér á landi samkvæmt samningi við Greenleaf Center Indianapolis. Um er að ræða samstarfssamning til að kynna þjónandi forystu í gegnum formlegt starf þekkingarsetursins (Greenleaf Center Iceland). Samningurinn felur meðal annars felur í sér aðgang að efni sem gefið er út á vegum bandaríska setursins sem og samstarf um ráðstefnur, námskeið og þekkingarþróun um þjónandi forystu.

Í framhaldi af gerð samningsins var myndað bakland skipað áhugafólki sem sótt hefur námskeið og málþing um þjónandi forystu hér á landi í aðdraganda samningsins. Í baklandinu er fjölbreyttur hópur víða að úr samfélaginu og er hlutverk þess að móta stefnu um megináherslur og verkefni til að kynna og efla þjónandi forystu hér á landi. Baklandið fundar reglulega.

Jafnframt var skipað framkvæmdateymi þjónandi forystu sem hrindir í framkvæmd verkefnum samkvæmt stefnu baklands hverju sinni. Framkvæmdateymið skipa Guðrún Hrefna Guðmundsóttir, skólameistari Fjölbrautaskólans í Breiðholti, Kristinn Ólason, rektor Skálholtsskóla og Sigrún Gunnarsdóttir, hjúkrunarfræðingur og lektor við Háskóla Íslands og er einnig starfsmaður Þekkingarseturs um þjónandi forystu.

Fyrirspurnum, tillögum og ábendingum má beina til fyrirspurn@greenleaf.is