Fimmtudaginn 7. apríl kl. 18 – 19:30 í Fjölbrautarskólanum í Breiðholti, Mánasal, 2. hæð.

Framsöguerindi halda þau Gunnbjörg Óladóttir (samantekt á PDF) og Sigurður Ragnarsson (samantekt á PDF). Eftir framsöguerindin verður umræða í hópum yfir súpu í matsal skólans.

Þátttökugjald kr. 700.- vegna kostnaðar við súpuna. Vinsamlega tilkynnið þátttöku á heimasíðu þjónandi forystu fyrir kl. 17 miðvikudaginn 6. apríl nk. Fundurinn er öllum opinn.  Smellið hér til að skrá ykkur á fundinn.

Gunnbjörg Óladóttir er aðstoðarmaður forstjóra Brims hf. Gunnbjörg vinnur að doktorsritgerð við Edinborgarháskóla í trúarlífssálarfræði og er áhugamaður um þjónandi forystu. Sigurður Ragnarsson starfar við kennslu og fræðslu og kennir m.a. við Háskólann í Reykjavík og Háskólann á Bifröst. Sérsvið Sigurðar eru leiðtogafræði, samningatækni og markaðsfræði.  Samhliða starfi stundar hann doktorsnám í leiðtogafræðum, við Háskóla Íslands, með sérstakri áherslu á siðferðilega- og þjónandi forystu.

Hér er hægt að ná í samantekt af erindunum á PDF:

Gunnbjörg Óladóttir – lykil atriði þjónandi forystu

Sigurður Ragnarsson – þjónandi forysta og siðferði

Námstefnan með Kent M Keith helgina 5. til 7. mars gekk afar vel. Þátttakendur komu víða að og nutu kennslu og leiðsagnar Kents og rökræðu og samtals í vinnuhópum. Mikil ánægja var meðal þátttakenda sem starfa víðsvegar í samfélaginu, t.d sem stjórnendur í viðskiptalífinum, kennarar í framhaldskólum,  rannsakendur og kennarar í háskólum, prestar í þjónustu kirkjunnar, stjórnendur á sjúkrahúsum og leiðtogar í þjónustu sveitarfélaga. Fyrirlestrar Kents fjölluðu um inntak þjónandi forystu frá ýmsum sjónarhornum. Þátttakendur glímdu við verkefni og spurningar um eigin áherslur og viðhorf til grundvallarþátta þjónandi forystu; að þekkja sjálfan sig, hlusta af alúð, leiðbeina og laða fram orku og vitsmuni annarra, breyta píramídanum og horfa fram á veginn. Námstefnan undirstrikaði sannarlega gildi hugmyndafræðinnar og gildi hennar hér á landi.

Ljósmyndir frá námsstefnunni:

Fyrirlestur Kents í hátíðarsal Háskóla Íslands var mjög vel sóttur og setið í nær hverju sæti. Kent lýsti á lifandi og sannfærandi hátt hvernig þjónandi forystu eflir siðgæði fyrirtækja og glæðir störf og stjórnun þannig að tilgangur og merking starfanna eru í forgrunni og hafa djúp og jákvæð áhrif á líðan starfsfólks og árangur . Kent dró fram sterk rök fyrir því að með hugmyndafræði þjónandi forystu og aðferðum hennar vex árangur fyrirtækja. Velgengni fjölmargra fyrirtækja vitna um gildi þjónandi forystu fyrir rekstur og hagsmuni samfélagsins í heild.

Dr. Kent M. Keith flytur fyrirlestur sinn Servant Leadership: Ethical, Practical, and Meaningful í hátíðarsal Háskóla Íslands mánudaginn 8. mars kl. 16

Fyrirlesturinn er öllum opinn.

Dr. Keith er framúrskarandi fyrirlesari og höfundur bóka um þjónandi forystu. Bók hans The Case For Servant Leadership er með vinsælli bókum um hugmyndafræði og aðferðir þjónandi forystu.

Kent M. Keith er framkvæmdastjóri Greenleaf Center for Servant Leadership í Indianapolis og er hér á landi sem gestur miðstöðvar um þjónandi forystu, Greenleaf Center for Servant Leadership – Iceland.

Fyrirlesturinn í Háskóla Íslands er skipulagður í samvinnu viðskiptafræðideildar, guðfræði- og trúarbragafræðideildar og hjúkrunarfræðideildar Háskóla Íslands, sjá hér.

Dr. Kent M. Keith heldur fyrirlestur í hátíðasal Háskóla Íslands mánudaginn 8. mars nk.  kl. 16 – 17.

Dr. Keith mun fjalla um þjónandi forystu undir yfirskriftinni Servant Leadership: Ethical, Practical, and meaningful.

Fyrirlesturinn er öllum opinn og er skipulagður í samvinnu viðskiptafræðideildar, guðfræði- og trúarbragafræðideildar og hjúkrunarfræðideildar Háskóla Íslands.

Nánari upplýsingar um Dr. Kent M. Keith má sjá á þessu síðum:
www.kentmkeith.com
www.paradoxicalcommandments.com
www.greenleaf.org/aboutus/staff.html

Dr. Kent M. Keith er framkvæmdastjóri Greenleaf Center for Servant Leadership í Indianapolis í Bandaríkjunum. Hann hélt fyrirlestur á ráðstefnunni um þjónandi forystu 20. júní á síðasta ári. Vakti fyrirlestur hans mikla ánægju þátttakenda fyrir hrífandi framsögu og afburða framsetningu á hugmyndunum um þjónandi forystu.

Námskeið í Skálholti 5. – 7. mars 2010
Kent M. Keith heldur námskeið í Skálholti helgina 5. til 7. mars. Dagskrá og skráning á námskeiðið verður kynnt hér á næstu vikum.  Fyrirspurnir má senda í gegnum þetta form.

Opinber fyrirlestur 8. mars 2010
Mánudaginn 8. mars kl. 16 heldur Kent M. Keith opinberan fyrirlestur í Háskóla Íslands. Fyrirlesturinn verður nánar auglýstur þegar nær dregur.

Sjá:
www.kentmkeith.com
www.paradoxicalcommandments.com
www.greenleaf.org